我和男人之迪士尼一日遊 (下集 )

上集講到我地玩左好多機動遊戲,
玩到個人謝晒, 真係行到腳都斷
所以唯有坐低影下相就算!

由於今日無HALLOWEEN玩, 所以樂園19:30放埋煙花就會關門,
我地一場黎到緊係要睇埋煙花先走啦,
但係仲有成90分鐘先開始放, 於是我地不停搵野影!

依間西餅店D西餅好精緻, 價錢都唔算貴

迪士尼入面都有間周大福, 哈哈, 惠做自由行生意啦!
不過, 真係好靚!

D精品真係好靚, 我好想帶隻杯返屋企,
不過太貴啦, 唔捨得!

依幾幅圖其實係立體架, 不過唔知點解影出黎好似幅畫咁!

我都想屋企有個大畫框!

哈哈, 不停影, 我地真係好無聊!

依個CANDLE STAND我都好想買架,
不過, 屋企太多雜物啦, 而且成$2XX,
太貴啦, 都係影張相當擁有啦!

行到無野好行, 我地就去醫肚啦!
玩左成日原來除左雪條, 我地都無食過午餐!
於是就叫左個2人餐食啦!
依間係美心, 個餐連加一都係$3XX, 幾抵,
有燒味拼盤, 粟米魚肚湯, 鮑片扒時蔬,
西蘭花炒雞球, 荷葉飯, 食得好飽呀!

食飽飽就拿拿聲去搵個靚位睇煙花,
不過人太多啦, 所以我地坐遠D, 可以影得清楚D

打左燈的城堡同日頭睇好唔同, 紫紫地色好靚!

第一次用新相機影煙花, 都唔係太識影,
不過都算係幾清楚, 有幾張都補捉得唔錯!
哈哈, 又要讚下自己啦!

快樂的時間過得特別快, 又係時間講BYE BYE啦!
迪士尼真係唔洗年年去, 我諗等佢再開多幾樣野先再去都唔怕!
大家未去玩就去下啦, 真係好多野影架!
不過就無咩好食, 而且小心比D咁靚嘅精品食晒你D錢落肚呀!